ಹೊಸದಾಗಿ ಮದುವೆಯಾಗಿರುವ ದಂಪತಿ ಆಷಾಡ ಮಾಸದಲ್ಲಿ ಒಟ್ಟಿಗೆ ಇರಬಾರದು ಎಂದು ಹಿರಿಯರು ಹೇಳ್ತಾರೆ. ಆದರೆ ಹೀಗೆ ಹೇಳೋದಕ್ಕು ಕಾರಣ ಇದೆ. ಆ ಕಾರಣ ಏನು ಅನ್ನೋದನ್ನ ನೋಡೋಣ ಬನ್ನಿ.
ಆಷಾಡ ಮಾಸದಲ್ಲಿ ಯಾವುದೇ ರೀತಿಯ ಶುಭ ಸಮಾರಂಭಗಳನ್ನು ಮಾಡುವುದಿಲ್ಲ್. ಹೊಸ ಕೆಲಸವನ್ನು ಪ್ರಾರಂಭ ಕೂಡ ಮಾಡುವುದಿಲ್ಲ. ಆಷಾಡ ಮಾಸವು ಸಾಮಾನ್ಯವಾಗಿ ಜೂನ್-ಜುಲೈ ತಿಂಗಳಲ್ಲಿ ಬರುತ್ತದೆ. ಈ ಅವಧಿಯಲ್ಲಿ ಮದುವೆ, ಗೃಹ ಪ್ರವೇಶ, ಮುಂಡನ ಹೀಗೆ ಯಾವುದೇ ರೀತಿಯ ಶುಭ ಸಮಾರಂಭಗಳನ್ನು ಮಾಡುವುದಿಲ್ಲ್.
ಆಷಾಡ ಮಾಸದಲ್ಲಿ ದಂಪತಿ ಯಾಕೆ ಸೇರುವುದಿಲ್ಲ..?
ಸಾಂಪ್ರದಾಯಿಕ ನಂಬಿಕೆಯ ಪ್ರಕಾರ ನವ ದಂಪತಿ ಆಷಾಡ ಮಾಸದಲ್ಲಿ ಒಟ್ಟಿಗೆ ಇರಬಾರದು. ಪತ್ನಿಯನ್ನು ತವರು ಮನೆಗೆ ಕಳುಹಿಸುವ ವಾಡಿಕೆ ಇದೆ. ಒಂದು ವೇಳೆ ಅತ್ತೆ ಮನೆಯಲ್ಲೇ ಆಷಾಡ ಮಾಸದಲ್ಲಿ ಇದ್ದರೆ ಅತ್ತೆ-ಸೊಸೆಯ ಜಗಳ ಆಗುತ್ತೆ ಅನ್ನುವ ನಂಬಿಕೆ ಇದೆ. ಇನ್ನೊಂದು ವಾಡಿಕೆ ಅಂದರೆ ಆಷಾಡ ಮಾಸದಲ್ಲಿ ಗಂಡ ಹೆಂಡತಿ ಸೇರಿದಾಗ, ಪತ್ನಿ ಗರ್ಭವತಿಯಾದರೆ ಚೈತ್ರ ಮಾಸದಲ್ಲಿ ಮಗುವಿನ ಜನನವಾಗುತ್ತದೆ. ಅದು ಬೇಸಿಗೆ ಕಾಲದ ಆಗಮನ. ಬೇಸಿಗೆಯ ಬಿಸಿ ದಿನಗಳಲ್ಲಿ ನವಜಾತು ಶಿಶುವಿಗೆ ಹಾಗೂ ತಾಯಿಗೆ ತೊಂದರೆಯಾಗುತ್ತದೆ. ಇದೇ ಕಾರಣಕ್ಕೆ ಆಷಾಡ ಮಾಸದಲ್ಲಿ ದಂಪತಿಗಳು ಒಟ್ಟಿಗೆ ಇರಬಾರದು ಎನ್ನುವ ನಂಬಿಕೆ ಇದೆ.
ಇನ್ನು ಹಲವು ಕಾರಣ ಹಾಗೂ ನಂಬಿಕೆಗಳು ಕೂಡ ಇವೆ. ಆಷಾಡ ಮಾಸದಲ್ಲಿ ರೈತಾಪಿ ವರ್ಗದವರಿಗೆ ಕೆಲಸ ಹೆಚ್ಚು ಇರುತ್ತದೆ. ನವವಿವಾಹಿತರು ಈ ಸಮಯದಲ್ಲಿ ಒಟ್ಟಿಗೆ ಇದ್ದರೆ ಕೆಲಸದ ಕಡೆ ಮಗನವಿರುವುದಿಲ್ಲ್.ಹೀಗೆ ಹಲವಾರು ಕಾರಣಗಳು ಇವೆ ಆಷಾಡ ಮಾಸದಲ್ಲಿ ದಂಪತಿ ಒಟ್ಟಿಗೆ ಇರಬಾರದು ಎಂದು.
