Madhya Pradesh: ಟೊಮೆಟೊ ದರ ದಿನದಿಂದ ದಿನಕ್ಕೆ ಹೆಚ್ಚಾಗ್ತಾನೇ ಇದೆ. ಟೊಮೆಟೊ ಖದಿಯೋರು ಕೂಡ ಹೆಚ್ಚಾಗ್ತಾ ಇದ್ದಾರೆ. ಇನ್ನು ಕಳ್ಳರ ಹಾವಳಿಗೆ ರೈತರು ಬೌನ್ಸರ್ ಗಳನ್ನು ನೇಮಕ ಮಾಡಿಕೊಳ್ಳೋದು ಹಾಗೂ ಸಿಸಿಟಿವಿ ಅಳವಡಿಸಿಕೊಳ್ಳೋ ಸುದ್ದಿಗಳು ಕೇಳ್ತಾನೆ ಇದ್ದೇವೆ. ಟೊಮೆಟೊ ದರ ಹೆಚ್ಚಾದಂತೆ ಚಿತ್ರ ವಿಚಿತ್ರ ಸುದ್ದಿಗಳು ಸೋಶಿಯಲ್ ಮೀಡಿಯಾದಲ್ಲಿ ಬರ್ತಾನೇ ಇವೆ. ಈ ಟೊಮೆಟೊಗಾಗಿ ದಂಪತಿಗಲು ದೂರ ಆಗಿರುವ ಘಟನೆ ಮಧ್ಯ ಪ್ರದೇಶದಲ್ಲಿ ನಡೆದಿದೆ.
ಟೊಮೆಟೊದಿಂದ ದಂಪತಿಗಳು ದೂರ ಆಗಿದ್ದಾರಾ ಎಂದು ಹುಬ್ಬು ಹಾರಿಸಬೇಡಿ ಇದು ನಿಜ ಕಣ್ರೀ. ಟೊಮೆಟೊದಿಂದಲೇ ದಂಪತಿಗಳು ದೂರ ಆಗಿದ್ದಾರೆ. ಗಂಡ ಅಡುಗೆ ಮಾಡುವಾಗ ತನ್ನ ಪತ್ನಿಯನ್ನು ಕೇಳದೇ ಟೊಮೆಟೊ ಬಳಸಿದ್ದಾನೆ ಎನ್ನುವ ಕಾರಣಕ್ಕೆ ಜಗಳ ಶುರುವಾಗಿದೆ. ಜಸ್ಟ್ ಸಿಂಪಲ್ ರೀಸನ್ ಗೆ ಪತ್ನಿ ಮನೆ ಬಿಟ್ಟು ಹೋಗಿದ್ದಾಳೆ.
ಸಂಜಿವ್ ಬರ್ಮನ್ ಎನ್ನುವವರು ಮಧ್ಯಪ್ರದೇಶದ ಶಾಹದೋಲ್ ಜಿಲ್ಲೆಯಲ್ಲಿ ಟಿಫಿನ್ ಸರ್ವಿಸ್ ನಡೆಸುತ್ತಿದ್ದರು. ಟೊಮೆಟೊ ಹೆಚ್ಚಾಗಿ ಬಳಸಿ ಗಂಡ ಅಡುಗೆ ಮಾಡಿದ್ದಾನೆ. ಈ ವಿಚಾರ ಪತ್ನಿಯ ಗಮನಕ್ಕೆ ಬಂದಿಲ್ಲ. ಊಟ ಮಾಡುವ ಸಮಯದಲ್ಲಿ ಗಮನಿಸಿದಾಗ ಟೊಮೆಟೊ ಹೆಚ್ಚಾಗಿ ಬಳಕೆಯಾಗಿರೋದು ಬೆಳಕಿಗೆ ಬಂದಿದೆ. ಇದೇ ವಿಚಾರಕ್ಕೆ ಪತ್ನಿ ಪತಿಯ ಮೇಲೆ ರೇಗಾಡಿದ್ದಾಳೆ. ಟೊಮೆಟೊ ವಿಚಾರಕ್ಕೆ ಇಬ್ಬರ ನಡುವೆ ಮಾತಿಗೆ ಮಾತು ಬೆಳೆದಿದೆ. ಕೊನೆಗೆ ಜಗಳ ವಿಕೋಪಕ್ಕೆ ಹೋಗಿದ್ದು, ಪತ್ನಿ ತನ್ನ ಮಗಳ ಜೊತೆ ಮನೆ ಬಿಟ್ಟು ಹೋಗಿದ್ದಾಳೆ.